بسم الله الرحمن الرحيم
حزب اسلامي د مولوي ارسلا رحماني ترور په كلكه او شديدو الفاظو غندي، دې ترور يو ځل بيا وښوده چي د اشغالگرانو په خوا كي د مخكنيو جهادي شخصيتونو ژوند خوندي نه دئ، اشغالگران غواړي دا شخصيتونه ورو ورو له صحنې لري كړي، د ځينو حيثيت او اعتبار ترور كړي او ځيني ووژني، دوى يوازي پر كمونيستانو او لنډغرو غربپالو حساب كوي او غواړي د افغانستان بې رقيبه واكمنان ترې جوړ كړي، په دې كي هيڅ شك نشته چي مولوي ارسلا رحماني د اشغالگرانو په امر او د ملي امنيت رياست تروريستانو په لاس وژل شوى، د ملي امنيت رياست همغه د خاد مخكنى وزارت دئ چي پرون ئې هم په زرگونو مؤمن شخصيتونه ترور كړي او نن يې هم د صليبي ځواكونو په لاس د هېواد له اشغال وروسته ئې هم په زرگونو مسلمان شخصيتونه وژلي، يوازي په كندهار كي ئې تر دولس سوه زيات قومي مشران او جهادي شخصيتونه ووژل، په پښتون مېشتو سيمو كي د ترور دا لړۍ يولس كاله وړاندي پيل شوه او تر نن پوري دوام لري، په شمال كي دا لړۍ په وروستيو څو كلونو كي پيل شوې او تر ننه په سلگونو مؤثر شخصيتونه وژل شوي، استاد عبدالصبور فريد، قومندان كريم عابد، سناتور آغا شيرين، قومندان شاه ولي، محمد عاطفـ،، مولوي رحمن گل، مولوي هاشم منيب، په همدې نوم لړ كي دي.